AKOM-BAOVAO FARITRA ATSIMO-ANDREFANA SY FARITRA ANDROY

Tontosa ny faha-05 hatramin’ny 11 Jolay 2023 ny fidinana ifotony tapany fahatelo ho fanaovana tombana ny fanavaozana PRE.

Ireto avy ny Kaominina sy Distrika nahavitana asa :

– Kaominina ambanivohitra isany :  Beara, Maniry, Ankilizato, Amborompotsy ary Kaominina ambonivohitra Ampanihy, samy ao amin’ny Distrika Ampanihy-Andrefana, Faritra Atsimo-Andrefana ;

– Kaominina ambanivohitra Andalatanosy / Distrika Ambovombe / Faritra Androy.

Niara-nisalahy nanatanteraka izany ny avy eto anivon’ny Fitaleavana iraisam-paritry ny harena an-kibon’ny tany syn y loharanonkarena stratejika Atsimo-Andrefana sy Androy niaraka tamin’ireo mpiara-miasa avy amin’ny DGRS, DSRRS, sy DEPGM samy avy any Antananarivo ary ny BCMM Toliara. Niaraka tamin’ireo mpamita iraka ny solotenan’ireo mpitrandraka isan-tokony sy tompon’andraikitra avy amin’ny Kaominina.

Toy ny asa rehetra natao nandritra ny fidinana ifotony teo aloha ihany no notontosaina, dia ny fanaovana  »localisation » ny toerana izay misy toeram-pitrandrahana harena an-kibon’ny tany ao anatin’ny PRE/ZE, fakana sary; fanaovana tombana ireo  »formations géologiques » hita any anivon’ny PRE sy/na ZE; fitsirahana ny lafiny ara-tontolo iainana; Fanadihadiana teny anivon’ny Kaominina sy/na Fokontany voakasiky ny PRE sy ZE izay nandalovana.

Irin’ireo mpandraharaha ny hivoahan’ny fanavaozana ireo PRE tsy ho ela.

Fampitam-baovao sy sary : Tale iraisam-paritra DIRMRS Toliara

MMRS/DCRI – Juillet 2023