AKOM-BAOVAO DIRMRS VATOVAVY SY FITOVINAGNY

11/04/202211/04/2022 MIMSMR

Fidinana ifotony fanentanana sy fampahafantarana ireo mpisehatra amin’ny harena ankibon’ny tany, nataon’ny Fitaleavam-paritra Vatovavy sy Fitovinagny ny 08 aprily 2022 tao amin’ny Fokontany Mahavelo, Kaominina Anteza, Distrikan’i Manakara, Faritra Fitovinagny.

Tanjona tamin’izany ny mba hitarihana azy ireo ho amin’ny sehatra ara-dalàna, amin’ny alalan’ny fampahafantarana ireo tsara ho fantatra momba ny fanatanterahana ny asa fihariana tanterahan’izy ireo. Ny any an-toerana izay ny fanivanana volamena no isan’ny fototra fiveloman’ireo mponina.

Hita sy tsapa fa tena nahaliana ireo mpandray anjara izany, samy naneho fahavononana amin’ny fanarahan-dalàna izy ireo ary ny Fitaleavam-paritra dia vonona hatrany ihany koa amin’ny fanampiana ireo mpisehatra amin’izany.

Sary sy Fampitam-baovao : DIRMRS Vatovavy sy Fitovinagny